Arakçî: Plana te ya Ayê têk çû, plana te ya Byê jî wê têkçûnek hîn mezintir be

PeyamaKurd - Wezîrê Derve yê Îranê Abbas Arakçî, di axaftina xwe de li Serokê Amerîkayê Donald Trump got, "Plana te ya Ayê, serkeftinek leşkerî ya bilez û paqij, têk çû, Birêz Serok. Plana te ya Byê wê têkçûnek hîn mezintir be."

Abas Arakçî di peyamek ku îro li ser medyaya civakî parve kir de Donald Trump hedef girt.

Rayedarê Îranî di peyama xwe de wiha got:

"Plana te ya Ayê, serkeftinek leşkerî ya bilez û paqij, têk çû, Birêz Serok. Plana te ya Byê wê têkçûnek hîn mezintir be. Rastî ev e ku pêşketina girîng a ku me di danûstandinan de çêkiriye, ji hêla têgihîştina dawî ya Amerîkayê ve hatiye paşguhkirin û derfetek bêhempa ji bo peymanek wenda bûye. 'Pêşî Îsraîl' her gav tê wateya 'DYA ya paşîn'."

Arakçî herwiha diyar kir ku Îran agirbestê naxwaze û got, "Em tu sedemekê ji bo danûstandinê nabînin."

Wezîrê Derve yê Îranê got, "Em ji bo her senaryoyekê, heta êrîşek bejayî jî, amade ne."