Çînê alîkariya bijîskî ji Iraqê re sand
PeyamaKurd – Welatê Çînê ku vîrûsa koronaya nû (Covid-19) pêşî li wir derketiye û bêhtirî 3 hezaran kesan ji ber wê nexweşînê can daye, bi sedema zêdebûna nexweşên koronayê alîkariya bijîşkî ji Iraqê re şand.
Di alîkariyên ku bi balafireke kargoyê gihîştine Bexdayê de, tîmeke tenduristiyê û alîkariyên derman û alavên tenduristiyê hebûn.
Li ser koliyên alîkariyan jî ‘Dostanî di rojên teng de xuya dibe’ hatibû nivîsandin.
Li Iraq û Herêma Kurdistanê jî belavbûna vîrûsa koronayê metirsîyeke mezin bixwere anîye ku herî dawî li Hewlêrê jî 2 nexweşên vîrûsa Covid-19 hatine tesbît kirin.
Wezareta Tenduristiya Kurdistanê îro 8ê Adarê ragihand, kesa duyem a li Hewlêrê Covid-19 pê re peyde bûye jineke 33 salî ye û ji ber ku di qerentîneyê de bû ti têkiliya wê bi kesî din re nebûye.
Konsûlê Çînê li Hewlêrê jî hevakariya welatê xwe ji Herêma Kurdistanê re diyar kiriye û gotiye, wan 200 hezar diravên Çînê bexşandiye Herêma Kurdistanê.
***
Li gorî ragihandina dawî ya rayedarên tenduristiya Îranê, ji doh 7ê Adarê ve 49 kesên din ji ber vîrûsa koronayê mirine û hejmara giştî ya kesên ji vîrûsê can dane gihîştiye 194 kesan.
***