Di bobelata Megiyê de 24 kes mirin
PeyamaKurd – Li welatê Fîlîpînê bobelata Megiyê çêbû. Di encama bobelatê de lehî û heza axê çêbû. Li gor ragihandina konseya rêvebir ya afetan (NDRRMC) li başûrê welat 3 kes mirine û kesekî wenda ye. Li bajarê Baybayê jî firtûne li bejayiyê xist û li gor Beşa Lezgîn ya Afetan tîmên lêgerîn û rizgarkirinê li 10 gundên ku hez lêketine, cesedên 21 kesan ji bin axê derxistine.
Li gor rêvebirên beşa afetan hê jî di bin axê de cenazên gelek kesan mane û kesên bi saxî ji bobelatê rizgar bûne, wan birine di nexweşxaneyan de tedawî dikin.
Firtûna Megiyê do di wextê sibê de destpêkiriye û 136 hezar kes bandorê jê dîne. 13 hezar kes ji bo demekî wan birine jîngehên demkî.
Her sal bobelata Megî û Tayfûnê ya tropikal li Fîlîpînê dixe û zerarê dide mal û canî.