Ebas Eraqçî gefa êrîşan li welatên cîran xwar

PeyamaKurd - Wezîrê Karên Derve yê Îranê Ebas Eraqçî li bajarê Çolpon-Atayê yê Qirxizistanê di Civîna Wezîrên Karên Derve yên Rêxistina Hevkariya Şanghayê de axivî û peyamên tund dan.

Eraqçî got ku her welatê ku bibe çavkaniya êrîşan yan jî zemînê ji bo operasyonên li ser axa Îranê amade bike, dê wekî "armanceke leşkerî ya rewa" bê nirxandin.

Eraqçî, rexne li bêdengiya civaka navneteweyî ya beramberî êrîşên Amerîka û Îsraîlê girt û anî ziman ku ev rewş zemîna danûstandinan dihejîne, lewma ew di çarçoveya hiqûqa navneteweyî de mafê xwe yê parastinê diparêzin.

Rexneya li ser Peymana Îslamabadê û rewşa Tengava Hurmizê

Eraqçî rêvebiriya Amerîkayê tohmetbar kir ku piştî îmzekirina "Peymana Îslamabadê" pêbendiyên xwe binpê kirine û bi destwerdana trafîka deryayî ya li Tengava Hurmizê dorpêça deryayî ya neyasayî sepandiye.

Eraqçî destnîşan kir ku Amerîka ewlehiya keştiyên bazirganiyê yên cîhanî dixe metirsiyê û hemû welatên ku piştgiriya lojîstîk an stratejîk didin van êrîşan jî dê berpirsyar bin.