Eraqçî li Bexdayê ye: Mijarên serdanê diyar bûn

PeyamaKurd - Wezîrê Karên Derve yê Îranê Ebas Eraqçî, ji bo hejmarek hevdîtinên asta bilind bike gihîşt Bexda ya paytexta Iraqê.

Hate diyar kirin ku mijarên herî germ ên li ser maseya gotûbêjan ewlehiya sînorên hevpar, kûrkirina pêwendiyên dualî û rûdanên leşkerî û siyasî yên dawî yên li Rojhilata Navîn in.

Li gorî zanyariyên ku ji çavkaniyên Wezareta Karên Derve ya Iraqê hatine wergirtin, Eraqçî dê destpêkê bi hevtayê xwe, Wezîrê Karên Derve yê Îraqê Fuad Husên re bicive.

Tê çaverêkirin ku piştî vê rûniştina girtî, her du wezîr di civîneke hevpar a çapemeniyê de encam û biryarên civînê ji raya giştî re rabihînin. Rayedarekî hikûmeta Iraqê da zanîn ku her du welat dixwazin di vê qonaxa hesas de kordînasyona xwe ya leşkerî û dîplomatîk hîn xurtir bikin.