Erdhejek bi hêz li başûrê Îtalyayê çêbû!

PeyamaKurd - Erdhejek bi pileya 6.2 ku li peravên başûr-rojavayê Îtalyayê qewimî, li 4 welatên li havzên Adriyatîk û Deryaya Spî hate hîskirin.

Erdhej ku di kûrahiya 250 kîlometreyan de çêbû, li herêmê panîkek kurt çêkir.

Perava başûr-rojavayê Îtalyayê di nîvê şevê de ji aliyê erdhejek bihêz ve hate hejandin. Navenda erdhejê, ku wekî pileya 6.2 hate ragihandin, 30 kîlometreyan dûrî peravên Paola, bajarekî peravê nêzîkî Cosenza li başûrê Îtalyayê bû.

Erdhej ku di saet 00:12 bi dema herêmî (01:12 bi dema Tirkiyeyê) de li deryayê çêbû, ne tenê li Îtalyayê, lê di heman demê de li Yûnanîstan, Albanya û Kroatya jî ji ber nêzîkbûna wê ya erdnîgarî bi awayekî zelal hate hîskirin.

Rastiya ku erdhej di kûrahiya 250 kîlometreyan de çêbû wekî faktora herî mezin a bandora berfireh a lerzê hate destnîşankirin.