Erdogan ji bo Emîrê berê yê Qeterê peyama sersaxiyê weşand

PeyamaKurd - Serokê Tirkiyê Recep Tayyip Erdogan ji bo mirina Emîrê berê yê Qeterê (Bav Emîr), Şêx Hemed bin Xelîfe El Thanî peyamek sersaxiyê weşand.

Erdogan di peyama xwe ya li ser medyaya civakî de diyar kir ku wî bi xemgîniyek mezin mirina Emîrê berê yê Qeterê, Şêx Hemed bin Xelîfe El Thanî ku wî wekî "dostê min ê pir ezîz" bi nav kir, bihîstiye.

Erdogan di peyama xwe de hevkariya xwe ya nêzîk bi El Thanî re di mijarên navneteweyî de di dema Serokwezîrtiyê de bi bîr xist û ev tişt gotin:

"Ez ji Xwedayê Teala rehmetê li Şêx Hemed bin Xelîfe El Thanî ku min hewildanên wî yên dilsoz ji bo aştiya cîhana Îslamê, aramiya herêma me û refaha gelê Qeterê dît û ku roleke mezin di gihandina têkiliyên siyasî, bazirganî, leşkerî, mirovî û çandî yên di navbera Tirkiye û Qeterê de gihand asta heyî, dixwazim."

Di berdewamiya peyama xwe de Erdogan wiha got, "Li ser navê xwe, malbata xwe û miletê xwe, ez sersaxiyê ji birayê xwe yê ezîz, Emîrê Qeterê Şêx Temîm bin Hemed El Sanî, ji malbata Emîrê rehmetî, ji gelê dost û bira yê Qeterê û ji alema Îslamê re dixwazim."