Fermandarê berê yê HTŞê Ebû Bekir Ebûd li Idlibê hat kuştin

PeyamaKurd - Fermandarekî berê yê Heyet Tehrîr El Şam (HTŞ) yê bi navê Ebû Bekir Ebûd (Cewad Mistefa Elî), piştî ku li mala xwe ya li bajarê Sermedayê ê li bakurê Îdlibê hate gulebarankirin, jiyana xwe ji dest da.

Li gorî agahiyên ji çavkaniyên herêmî hatine wergirtin, gulebarankirin ji aliyê çekdarekî nenas ve hat kirin û bi giranî birîndar bû.

Hat ragihandin ku Cewad Mistefa Elî welatiyekî Libnanî ye û xelkê bajarê Trablusê ye.

Heta niha nasnameya êrîşkaran nehatiye eşkerekirin û derbarê vê bûyerê û sedemên êrîşê de ji aliyê berpirsan ve ti daxuyaniyeke fermî nehatiye belavkirin.