Fîdan banga 'Xezzeyê' li Amerîkayê kir

PeyamaKurd – Di pêwendiya telefonî ya ligel Wezîrê Derve yê Tirkiyê Hakan Fîdan û Wezîrê Derve yê Amerîkayê Antony Blinken de, endamtiya Swêdê ya NATOyê, mijara F-16 û hevkariya di warê pîşesaziya berevaniyê de hat nirxandin.

Li gor agahiyên ku ji çavkaniyên dîplomatîk hatin sitendin, di pêwendiya telefonî ya ku do danê êvarê di navbera Fîdan û hevtayê wî yê Amerîkayê Blinken li ser daxwaza Amerîkayê hat kirin de, mijarên herêmî û cîhanî û têkiliyên dualî yên di navbera Amerîka û Tirkiyê de hatin gotûbêjkirin.

Di hevdîtinê de ku bal hat kişandin ser girîngiya tevgerîna li gorî ruhê tifaqê di têkiliyan de, hate gotin ku endamtiya Swêdê ya NATOyê, mijara F-16 û hevkariya di warê pîşesaziya berevaniyê de di nav mijarên ku hatine axaftin hatin kirin.

Di hevdîtinê de kêşeyên Îsraîl û Filistînê jî hatin gotûbêjkirin. Fîdan bal kişand ku rewşa li Xezze û Şerîeya Rojava her ku diçe xirabtir dibe û bang li Amerîkayê kir ku ji bo rawestandina êrîşan bandora xwe ya li ser Îsraîlê bi kar bîne.

Herwiha hat destnîşankirin ku Hakan Fîdan da zanîn, divê Îsraîl ji bo destpêkirina pêvajoya siyasî ya ku ji bo pêkanîna aştiyeke adil û daîmî ya li ser esasê çareseriya du dewletan piştî agirbesteke tam pêk tê, were ser maseyê.