"Ger em wê bigrin cin jî nikarin Tengava Bab El-Mandebê vekin"

PeyamaKurd - Serhildêrên Hûsî yên Yemenî gef xwarin ku heta mirov û cin jî nikarin Tengava Bab El-Mandebê vekin ger ew wê bigirin.

Rêberê Hûsiyên Yemenî.Hussein El-Ezî di postek medyaya civakî de got, "Bi hêza Xwedê, ger Sanaa biryar bide ku Bab El-Mandebê bigire, her çend hemû mirovahî û cin li hev bicivin jî, ew ê nikaribin wê vekin."

Rêberê Hûsî herwiha diyar kir ku Trump û hemû welatên ku piştgiriyê didin wî divê tavilê dawî li van polîtîkayên ku astengiya aştiyê dikin û bêrêziyê li daxwazên rewa yên gel û neteweya me dikin bînin.

Ev gefa ji Hûsiyên Yemenî di demekê de tê ku Tengava Hurmuz ji hêla Pasdarên Şoreşa Îranê ve hatiye girtin.

Ger Tengava Bab El-Mandebê ya li ser Deryaya Sor jî ji hêla Hûsiyan ve were girtin, bazirganiya deryayî ya li herêmê wê bi tevahî felc bibe.