Hakan Fidan serokê buroya siyasî yê Hamasê Hayye û heyeta pê re qebûl kir

PeyamaKurd – Wezîrê karên derve yê Tirkiyê Hakan Fidan serokê politburoya Hamasê yê nûh hat bijartin Xelîl el-Hayye û heyeta pê re qebûl kir. Çavkaniyên wezareta karên derve ya Tirkiyê ragihandine ku Fidan ji bo Hayye serkeftinê xwestiye û wî pîroz kiriye.

Hayye, di derbarê rewşa Xezzayê û Şerîa Rojava de agahiyan daye Fidan û li ser rewşa Qudsê û xebatên Netenyahu yên ne di rê de, agahiyan daye.

Hayye ragihandiye ku Hamas ji bo muzakereyên aştiyane tewrê xwe yê erênî dewam dike û li ser mijara lihevkirina Filistiniyan ya xwe bi xwe agahiyan daye.

Hakan Fidan ji heyetê re ragihandiye ku Tirkiye di her platformê de destekê dide doza rewa ya Filistinê. Fidan gotiye ku Tirkiye di seha navdewletî de kiryarên ne rewa yên li Xezzayê û Şerîayê tên kirin û êrîşên ser mekanên pîroz di rojeva navdewletî de germ digre.

Her weha Tirkiye ji bo alîkariya mirovî bigihê deverê xebata xwe dewam dike û rola Hamasê di vê pêvajoyê de bi teqdîr nirxandiye.