Hakan Fîdan û Serokê Hemasê Îsmaîl Xeniye civiyan

PeyamaKurd – Wezîrê Derve yê Tirkiyê Hakan Fîdan, bi Serokê Buroya Siyasî ya Hemasê Îsmaîl Xeniye re rûbirû hevdîtin kir.

Hate ragihandin ku li demeke şerê Îsraîl-Hemasê li Xezzeyê dewam dike, Fîdan li Enqereyê pêşwazî li Xeniye kiriye û pê re civiyaye.

Ajansa Anadol a fermî ya Tirkiyê bi zarê çavkaniyên dîplomatîk nûçeya hevdîtina Hakan Fîdan û Îsmaîl Xeniye belav kir û ragihand, di wê hevdîtinê de mijarên agirbesta Xezzeyê, zêdekirina alîkariyên mirovî, berdana dîlan û çareseriya du dewletî hatine axaftin.