Hejmara qurbaniyên teqîna li Şamê gihîşt 9 kesan

PeyamaKurd - Hejmara qurbaniyên teqîna li kafeyekê li Şamê, paytexta Sûriyeyê, gihîşt 9 kesan û 20 kes jî birîndar bûne.

Rayedarên Sûriyeyê agahiyên herî dawî yên derbarê teqîna ku roja Pêncşemê piştî nîvro li kafeyekê li nêzîkî Qesra Edaletê ku deverek qerebalix a navenda Şamê ye, qewimî, parve kirin. Di daxuyaniyê de hat ragihandin ku hejmara qurbaniyan gihîştiye 9 kesan û 20 kes jî birîndar bûne.

Bûyera ku berpirsiyariya we hîn ji aliyê tu komê ve nehatiye sitendin, êrîşa herî kujer a li bajêr e ji êrîşa li ser dêrê ya sala borî ve.

Parêzgarê Şamê: Berpirsiyar wê werin cezakirin

Parêzgarê Şamê Maher el-Deybî, ku cihê bûyerê lêkolîn kir, ragihand ku lêpirsînek berfireh hatiye destpêkirin. "Kesên ku berpirsiyarê rijandina vê xwînê ne, wê bi awayê herî dijwar werin cezakirin," el-Deybî got û got, "Her ku welat gavek ber bi aramiyê ve bavêje, komên xerab hewl didin ku wê sabote bikin."