Herzog, hisyariya serê navxweyî da!

PeyamaKurd- Serokomarê Îsraîlê Îshaq Herzog, ji ber ku Îsraîl  bi qeyranên ji ber rêziknameya dadwerî ya ku hikûmeta Netanyahû dixwest derxe, ragihand ku ew ê pêşnûmeya xwe ya ji bo 'şerê navxweyî' pêşkêşî meclîsê bike.

Herzog hişyarî da "şerê navxweyî" li ser "reforma dadrêsî" ya hikûmetê ku welat kişand nav nîqaşan û ji bo derbaskirina qeyranê "Pêşnûmeya Gel" pêşniyaz kir.

Herzog got, "Çend hefteyên dawî me ji hev qetandin, zirarê da aborî, ewlehî, civak, têkiliyên siyasî û ya herî girîng yekparçetiya Îsraîlê. Ez ê hevokeke ku min heta niha bi kar nehaniye, bi kar bînim û îsraîlî tune ku jê netirse; yên ku difikirin ku şerekî navxweyî yê rastîn ji destê me nayê, haya wan jê tuneye. Şerê navxweyî xeta sor e û ez naxwazim bi her awayî derkeve."

Serokomarê Îsraîlê, di derbarê rêkeftina dadwerî ya hikûmeta Netanyahu de jî got, 

"Divê di têkiliyên di navbera rayedarên hikûmetê de bi hizir û mentiqî guhertineke radîkal û kûr çêbibe. Pêwîst e ev yek ji bo xala hevpar a herî berfireh bereket û xêrê bîne. Ez bawer dikim ku em îro ji bo rêk û pêkek destûrî ya hevseng, biaqil û lihevhatî ji bo têkiliyên di navbera rayedarên welatê me yê cihû û demokratîk de rû bi rûyê derfeteke dîrokî ne."

Ishaq Herzog diyar kir ku ev pêşnûme wê parlamento, hikûmet û pergala dadweriyê xurt bike û dewleta cihû û demokratîk a Îsraîlê biparêze û destnîşan kir ku ev ne tawîzeke siyasî ye û divê hemû alî fêm bikin ku di vê nîqaşa gel de dema girîng e. Divê dewlet neyê hilweşandin."