Hûsiyan îdia kir ku balafireke şer a Siûdiyeyê xistine xwarê

PeyamaKurd - Hûsiyên ku li Yemenê ji aliyê Îranê ve tên piştgirîkirin, diyar kirin ku balafireke şer a F-15 a Hêzên Esmanî yên Siûdiyeyê li herêma Maribê hatiye xwarê.

Berdevkê leşkerî yê Hûsiyan Yahya Serî di daxuyaniyekê de got ku balafira şer di dema çalakiyên leşkerî de bi moşeke parastina esmanî ya herêmî hatiye armanckirin û xistin.

Yahya Serî her wiha êrîşên esmanî yên dawî yên koalîsyona bi serokatiya Siûdiyeyê rexne kirin û îdiayên derbarê wê yekê ku wan Mekke kiriye armanc bi tundî red kirin.

Serî destnîşan kir ku operasyonên wan tenê tesîsên petrolê û bingehên leşkerî dikin armanc û parastina esmanî ya Yemenê dê bidome.