Îdia| Îsraîlê "bendeke duyemîn a veşartî" li Iraqê ava kir!

PeyamaKurd - Rojnameya New York Times (NYT) a li Amerîkayê îdia dike ku Îsraîlê ji bo êrîşên li dijî Îranê baregeheke duyemîn a veşartî li herêma çola Iraqê ava kiriye.

Rapora NYT îdia dike ku Îsraîlê ji bo operasyonên li dijî Îranê du baregehên leşkerî yên veşartî li çola rojavayê Iraqê ava kiriye û ev baregeh di şerê 12 rojî yê Hezîrana 2025an de jî hatine bikaranîn.

Rapora ku li ser bingeha şahidan e, îdiaya ku şivanekî bi navê Ewad el-Şemmarî di 3ê Adarê de li nêzî herêma Nuhayib a li rojavayê Iraqê dema ku wesayîta xwe diajot, ji aliyê helîkopterekê ve hatiye êrîşkirin, dihewîne.

Li gorî rayedarên ewlehiyê yên herêmî, tê îdiakirin ku baregeha ku behsa wê tê kirin di şerê 12 rojî yê di navbera Îsraîl û Îranê de di Hezîrana 2025an de hatiye bikaranîn.

Rapora îdia dike ku hêzên Îsraîlê ji dawiya sala 2024an ve dest bi amadekariyên avakirina baregehê kirine, herwiha, bi îdiaya rayedarên Iraqî, îdia dike ku li çola rojavayê welêt baregeheke duyemîn a veşartî heye.