Îmamoglu: Ev biryara sermê ye ji bo daraza Tirkiyeyê
PeyamaKurd – Bi hinceta sivikatî li endamên Komîsyona Bilind a Hilbijartinan kiriye, 2 sal û 7 meh cizaya zindanê û qedexeya siyasetê dan Serokê Şaredariya Stenbolê Ekrem Îmamoglu.
Li gor zanyariyan, ji bo protestokirina biryarê bi hezaran kes li ber avahiya şaredariyê kom bûn û nerazîbûna xwe nîşanî biryarê dan. Îmamoglu di mitîngê de got: “Ev biryar nîşaneya tunnebûna edaletê ya li vî welatî ye û daraz bi sizakirina kesên ji opozîsyonê ne, ketiye bin bandora desthilata siyasî.”
Serokê Şaredariya Stenbolê Ekrem Îmamoglu piştî biryara betalkirina hilbijartina şaredariya sala 2019an de, di derbarê endamên Lijneya Nilind a Hilbijartinê ya Tirkiyê de, bi îdiaya peyva “ehmeq” bi kar anî ji hêla dadgehê ve 2 sal û 7 meh û 15 rojan bi zindanê û qedexeya siyasetê hat sizakirin.
Bi banga Îmamoglu bi hezaran kes piştî vê biryarê li ber avahiya şaredariya Stenbolê kom bûn û nerazîbûna xwe nîşanî sizakirina Îmamoglu dan.
Ekrem Îmamoglu biryara sizayê weke nîşaneya tunebûna edaletê nirxand û got: “Ev biryara şermê ye ji bo daraza Tirkiyeyê. Êdî daraz bûye saziyeke wisa ku kesên muxalîf in siza dike. Ji bo sala 2023an armancên me hene. Ji bo vê em ê mil bidin hev. Ji bo rojên xweş em ê bi hev re di hilbijartina 2023an de vê hizba ku vî welatî xera dike têk bibin. Em li Stenbolê bi ser ketin, em ê li Tirkiyeyê jî bi ser kevin.”
Hat zanîn ku parêzerê Îmamoglu ji bo betalkirina biryarê wê serî li dadgeha îstînafê û pêwîst bike serî li daraza bilind jî bidin. Eger daraza bilind sizayê pesend bike, Îmamoglu karekî siyasî wê nikare pêk bîne wate nikare bibe namzet ji bo hilbijartinên bê û di tabloyeke wiha de şaredariya Stenbolê ku piştî 15 salan ji AK Partî bi piştgiriya Kurdan ketibû destê CHP, wê bikeve destê AK Partiyê.