Îngilistan: Divê em agirbestê bikin peymaneke mayînde

PeyamaKurd - Serokwezîrê Îngilistanê Keir Starmer gihîşt Erebistana Siûdî, ku ev yekem rawestgeha gera wî ya Kendavê ye ku armanc dike piştgiriya agirbestekê di pevçûna Rojhilata Navîn de bike.

Ev serdana yekem a Starmer bo herêmê ye ji destpêka şerê Amerîka-Îsraîl-Îranê di 28ê Sibatê de.

Serokwezîrê Brîtanyayê bi Prensê Tac ê Siûdî Mihemed bin Selman re civiya da ku li ser rêbazên veguherandina agirbesta demkî bo aştiyeke mayînde nîqaş bike.

Di heman demê de bi hatina Serokwezîr Starmer re, Wezareta Parastinê ya Erebistana Siûdî ragihand ku pergalên wê yên parastinê neh dronên bombebarkirî li qada hewayî ya welêt hilweşandine. Erebistana Siûdî agahî li ser cih an hedefa droneyan neda; lêbelê, ev êrîş du roj piştî ku DYA û Îranê li ser agirbesteke du hefteyan li hev kirin, pêk hatin.

Starmer ku pêşwaziya ragihandina agirbestê kir got, "Ev nefeseke hewaya teze ye ji bo herêmê û cîhanê. Divê em bi hevkarên xwe re her hewlekê bidin da ku vê agirbestê biparêzin û Tengava Hurmuzê ji nû ve vekin."