Îran: Du kesên ku bi sîxuriya Îsraîlê dihatin tohmetbarkirin bi darve kirin

PeyamaKurd - Îranê du welatiyên xwe ku bi tawanbariya şandina koordînatên cihên hestiyar ên leşkerî û ewlehiyê ji bo Îsraîlê dihatin tohmetbarkirin, bi darve kirin.

Li gorî ajansa nûçeyan a Mizanê ku bi Desthilata Darazê ya Îranê ve girêdayî ye, hat eşkerekirin ku yek ji wan kesan agahî şandine ji rêveberê kanaleke Telegramê ku bi Mossadê re peywendîdar e.

Kesê duhem jî ku ji aliyê medyayê ve wekî "leşkerê Netanyahu" hat binavkirin, ligel Mossadê agahî ji kanala mixalif a İran International re jî şandine.

Hat tomarkirin ku ev tawanbarî li ser buyerên di dema şerê 12 rojî yê Îsraîl û Îranê yê meha Hazîrana par de hatine avakirin.