"Îran siyaseta xwe ya têkbirina aramiya Rojhilata Navîn didomîne"

PeyamaKurd – Sekreterê Giştî yê NATOyê Jens Stoltenberg diyar kir ku Îran siyaseta xwe ya bêîstiqrarkirina Rojhilata Navîn didomîne.

Stoltenberg diyar kir ku Îran siyaseta xwe ya bêîstiqrarkirina Rojhilata Navîn didomîne û da zanîn ku ew êrîşên li dijî hêzên Amerîkayê yên li Iraq, Sûriye û Urdunê şermezar dikin.

Stoltenberg diyar kir ku "Îran piştgiriya komên milîs û rêxistinên terorîst dike" û wiha got: "Erka hêzên NATOyê yên li Iraqê ew e ku di têkoşîna li dijî DAIŞê de alîkariya Iraqê bikin û ji bo careke din rêxistina terorê dernekeve."

Stoltenberg da zanîn ku NATO di gelek waran de bi Iraqê re hevkariyê dike û got, "Helbet ji bo Iraq û hêzên ku li wir bi cih bûne, her tiştê ku bibe alîkarê parastina li dijî êrîşên hewayî girîng e."