Îsraîl: “Em û Erdogan ji hev heznakin”
PeyamaKurd- Wezîrê karên derve yê Îsraîlê ragihand ku di meha hezîranê de, bo civîneka ji aliyê Neteweyên Hevgirtî de hatibû amadekirin ku li Abû Dabiyê çêbû, di civînê de wezîr û rêvebirekî di asta bilind de, ji yên Emaratan hatiye cem hev. Katz, sedema nêzîkbûna bi welatên Kendavê re Recep Tayîp Erdoğan mînak nîşan da û îzah kir.
Katz, di mijara seredana bo Emaratan, agahî da komîta bergiriyê û têkiliyên karên derve ya parlementoya Îsraîlê (Knesset) ê. Di beşeka agahîdayîna bo komîtê, îzin dan rojnamevanan da herin salona civînê. Li gor ragihandina rojnama Jerusalem Postê; Katz, li ser pirsa sedema zêdekirina têkiliyan bi welatên Kendava Basrayê re weha got:
“Em ji Erdoğan heznakin û ew jî ji me heznake. Welatên Kendavê jî dibêjin îxwanên redîkal yên li Tirkiyê û Qatarê, herî kêm bi qederê Îranê tehdîdin û ji wan heznakin.”
Israel Katz, ragihand ku di navbera wan û Trikiyê de dijminahiyeka zelal heye lê bazirganiya navbera wan dewam dike. Katz got ku piştî şerê Sûriyê, rêya ku di ser lîmana Hayfa de diçe welatên Kendavê, bêhtir tê bikaranîn û di nava kesên ku di vê guzergahê de bazirganiyê dike, ji malbata Erdoğan çend kes hene. Katz tişteka dinê ya balkêş dibêje ku weha da zanîn:
“Di vê herêmê de welatên hem dost hem dijimin hene, di mijarekî de lihev nakin lê di mijareka dinê de dikarin bi hevre hevkarî bikin.”