Jeffrey: Herêma Kurdistanê ji bo hêzên Amerîka cihê herî bi ewle ye

PeyamaKurd – Nûnerê Amerîka yê Taybet bo Sûriyê James Jeffrey, ragihand ku Herêma Kurdistanê ji bo hêzên Amerîka û hevpeymaniyê cihê herî ewle ye.

Li demeka ku li Iraqê şîe û alîgirên Îranê dixwazin hêzên Amerîkayê ji welat derxin, Jeffrey daxuyaniyeke balkêş da û got, “Herêma Kurdistanê ji bo hêzên Amerîka û Hevpeymaniya Navdewletî ya Dijî DAIŞê cihê herî bi ewle ye.”

Jeffrey diyar kir ku ti xeterî li herêma Kurdistanê li ser hêzên Amerîkayê nîne.

Jefrrey beriya niha jî gotibû: "Li ser mijara vekişîna ji Iraqê em naxwazin ser masê rûnin. Heger rayedarên Iraqê behsa derxistina hebûna hêzên me dikin, divê bêhtir têkiliyên dualî li ber çavan bigirin.”