Ji bo 3 hezar û 35 kesan efûya taybet hat derxistin

PeyamaKurd – Li Iraqê beriya Cejna Remezanê ji aliyê serokomariyê ve, ji bo zêdetirî 3 hezar mehkûman efûyeke taybet hat derxistin.

Serokomariya Iraqê bi biryarnameyekê efûyeke taybet derxist ku 3 hezar û 35 kesên ji tawanên cuda hatine mehkûmkirin pêk tê.

Li gorî biryara ji aliyê Wezareta Dadê ya Iraqê ve hatiye weşandin, kesên ku di navbera salên 2007-2022yan de, bi biryara dadgehan hikûm xwarine sûdê ji vê efûyê werdigirin.