Ji Mucteba Xamaney yekem daxuyanî: Em ê tolê hilînin

PeyamaKurd - Rêberê nû yê Olî yê Îranê Mucteba Xamaney, di daxuyaniya xwe ya yekem de bal kişand ser polîtîkayên stratejîk û ragihand ku ew ji bo fişara li ser dijmin zêde bikin, girtina Tengava Hurmizê didomînin.

Xamaney destnîşan kir ku ew bi dostaniya cîranan bawer dikin û got: "Em tenê baregehan dikin armanc û heke em neçar bimînin, em ê vê yekê bidomînin." Herwiha diyar kir ku wan rê li ber hewildanên dabeşkirina welat girtiye û bi vî awayî yekparebûna Îranê parastiye.

Xamaney di axaftina xwe de peyamên tund dan û destnîşan kir ku ew ê tu carî ji tola xwîna şehîdan neyên xwarê û got: "Em ê tolhildana xwîna şehîdên xwe, bi taybetî şehîdên Mînabê, tu carî ji bîr nekin û dev ji daxwaza tolhildanê bernedin."

Xamaney got: "Welatên herêmê divê helwesta xwe li hemberî yên ku êrîşî welatê me yê delal dikin û gelê me dikujin, zelal bikin. Ez şîretê li wan dikim ku van baregehan di zûtirîn demê de bigirin; Lewre êdî divê fêm kiribin ku îdîaya Amerîkayê ya wekî 'ew ê ewlehî û aştiyê bîne', ji derewekê pê ve ne tiştekî din e."