Li Amerîkayê misilmanek bû senator, reşikek jî bû parêzgar

PeyamaKurd - Di hilbijartinên navîn ên Kongreya DYAyê de Partiya Demokrat serkeftineke dîrokî bi dest xist û bi standina piraniya endamên Senatoyê (54 kursî) û Meclîsa Nûneran (228 kursî) desthilata giştî ya siyasî ji destê Komarparêzan derxist.

Di vê hilbijartina ku piştî 20 salan cara yekem e Demokrat parêzgariya piraniya eyaletan bi dest dixin de, gelek guherînên dîrokî hatin tomar kirin; bijîşkê bi eslê xwe Misrî Abdul El-Sayed li Michiganê bû yekem senatorê misilman di dîroka Senatoya Amerîkayê de û Keisha Lance Bottoms jî di dîroka 250 salî ya welat de li Georgia bû yekemîn parêzgara jin a reşik.

Her wiha di van encaman de, Demokratan piştî 38 salan li Texasê û piştî 94 salan li Kansasê vegerek mezin kirin û kursiyên Senatoyê bi dest xistin, di heman demê de Deb Haaland û Peggy Flanagan jî wekî yekem jinên ji civaka resen a Amerîkayê gihîştin pileyên parêzgarî û Senatoyê.

Ev guherîna mezin a siyasî nîşan dide ku dengdêran li hemberî polîtîkayên desthilatê nerazîbûneke mezin nîşan dane û rênîşaneya serdemeke nû di rêveberiya welêt de pêk anîne.