Li Colemêrgê, 30 kes hatin desteserkirin

PeyamaKurd- Li gorî agahiyên ku di çapemeniya Tirkiyeyê de cih girtin, li Colemêrga Bakurê Kurdistanê îro nêzîkî 30 kes hatin desteserkirin.

Hat diyarkirin ku li navenda Colemêrgê û navçeyên wê Gever û Çelê îro sibehê polîsan di operasyoneke hevdem de girtin ser gelek malan û hat zanîn ku ji ber sedemeke nediyar nêzîkî 30 kesan hatin desteserkirin.

Her wiha hat ragihandin ku di nav kesên desteserkirî de Dayikên Şemiyê jî hene.