Li Îranê, germahî gihîst 50 pileyan

PeyamaKurd- Li gorî ajansa fermî ya Îranê IRNAyê, Gerînendehê Giştî yê Meteorolojiyê yê Sîstan-Belûçistanê Muhsîn Heyderî, têkildarî hewaya germ a li herêmê daxuyaniyek da.

Muhsîn Heyderî diyar kir ku bajarên Zehek û Hirmend gihîştine 50 pile germahiya hewayê û bi vê yekê bûne germtirîn herêmên welêt.

Heyderî da zanîn ku li bajarê Zahîdanê navenda îdarî ya parêzgehê 42 pile hat pîvandin û diyar kir ku ji roja duşemê pê ve bi zêdebûna bayê germahiya hewayê dê kêm bibe.

Muhsîn Heyderî, anî ziman ku bi zêdebûna leza bayê re li eyaletê dê veguheztina tozê zêde bibe û hişyarî da gel ku heta hewce nebe dernekevin hewaya vekirî û di dema kêm dîtinê de ji trafîkê dûr bikevin.

Rêveberê Giştî yê Rêveberiya Qeyrana Sîstan-Belûçistanê Mecîd Mohîbbî jî ragihand ku ji ber toza baş a li bajarên Zabul, Zehek, Hamûn, Hirmend û Nimrûz ên parêzgeha Sîstan û Belûçistanê, zêdeyî hezar kes ji bo nexweşxane û navendên tenduristiyê hatine veguhestin û kesek jî can daye.