NATOyê li ser parastina moşekên balîstîk daxuyanî da

PeyamaKurd - Bergeha Bilind a Hêzên Hevpeyman ên NATOyê li Ewropayê (SHAPE) ragihand ku asta parastina moşekên balîstîk piştî êrîşên Îranê li herêmê dê bilind bimîne. Daxuyaniyê her wiha li ser ewlehiya Tirkiyeyê jî axivî.

Bergeha Bilind a Hêzên Hevpeyman ên NATOyê li Ewropayê (SHAPE) ragihand ku pozîsyona parastina moşekên balîstîk a NATOyê dê di astek bilind de bimîne heta ku gefa êrîşên Îranê li seranserê herêmê kêm bibe.

Di daxuyaniyek nivîskî de ji aliyê Berdevkê SHAPEyê Martin L. O’Donnell ve hat gotin, "Ez dikarim piştrast bikim ku doh, ji bilî ku NATOyê êrîşa moşekên balîstîk a Îranê ya li dijî Tirkiyeyê bi serkeftî asteng kir, ku yekem car ji aliyê Îranê ve hatibû ragihandin, NATOyê pozîsyona parastina moşekên balîstîk li seranserê hevpeymaniyê zêde kiriye."

O’Donnell diyar kir ku ev tedbîra awarte ji aliyê fermandarê Fermandariya Hewayî ya NATOyê ve hatiye girtin û "Pozîsyona parastina moşekên balîstîk a NATOyê dê di vê asta bilind de bimîne heta ku gefa êrîşên bêserûber ên Îranê li seranserê herêmê kêm bibe."