Netanyahu ji bo êrîşî Beyrûdê bike ferman da artêşa Îsraîlê

PeyamaKurd - Serokwezîrê Îsraîlê Benjamin Netanyahu fermana êrîşên asmanî li ser navçeya Dahiye ya Beyrûdê, paytexta Lubnanê da. Tê îdîakirin ku di van êrîşan de wê hedefên Hizbullahê werin lêdan.

Li gel agirbestê, Serokwezîrê Îsraîlê Benjamin Netanyahu ferman da artêşê ku êrîşên asmanî li ser navçeya Dahiye ya Beyrûdê bike.

Serokwezîr Netanyahu û Wezîrê Parastinê Yisrael Katz di daxuyaniyek hevbeş de ragihandin ku artêşa Îsraîlê wê êrîşên nû yên asmanî li ser Beyrûdê bide destpêkirin.

Di daxuyaniyê de hate îdîakirin ku êrîşên asmanî yên li ser navçeya Dahiye ya Beyrûdê ku ji hêla Netanyahu û Katz ve hatine fermankirin, wê hedefên Hizbullahê bikin hedef.