Operasyonên li dijî 2 şaredariyên CHPê: Şaredar hatin girtin

PeyamaKurd - Operasyonên li dijî şaredariyên bi serokatiya CHPê berdewam dikin. Di çarçoveya lêpirsîna ku ji hêla Serdozgeriya Giştî ya Îzmîrê ve tê meşandin de, Şaredarê Balçovayê Onur Yiğit û Şaredarê Seferihisarê Îsmaîl Yetişkin hatin desteserkirin.

Herwiha hat ragihandin ku Parlamenterê Îzmîrê yê berê yê CHPê û Endamê Meclîsa Şaredariya Guzelbahçeyê Doguş Bayir, di çarçoveya lêpirsîna li ser Şaredariya Balçovayê de hat desteserkirin.

Şaredarê Balçovayê Onur Yiğit di çarçoveya lêpirsîna ku bi fermana Serdozgeriya Giştî ya Îzmîrê tê kirin de hat desteserkirin. Herwiha hat ragihandin ku Şaredarê Seferihisarê Îsmaîl Yetişkin hat desteserkirin.

Operasyonên li dijî şaredariyên bi serokatiya CHPê îro jî berdewam kirin. Di çarçoveya lêpirsînên ku li Îzmîrê hatine kirin de, li dijî Şaredariyên Balçova û Seferihisarê yên bi serokatiya CHPê operasyon hatin kirin.

Hat ragihandin ku Şaredarê Balçovayê Onur Yigit û Şaredarê Seferihisarê Îsmaîl Yetişkin îro danê sibê di serdegirtinên malan de hatine desteserkirin.

Herwiha, hat diyarkirin ku di nav kesên hatine desteserkirin de dayika Şaredar Yigit, Meryem Yigit û Endamê Meclîsa Şaredariya Guzelbahçeyê û Parlamenterê berê yê CHPê yê Îzmîrê Doguş Bayir hene.

Di çarçoveya lêpirsîna ku ji hêla Serdozgeriya Komarê ya Seferihisarê ve tê meşandin de, hejmara kesên ku hatine desteserkirin, tevî Şaredarê Seferihisarê Îsmaîl Yetişkin, 24 kes in.