Ozel: "Divê normalîzekirin bi devjêberdana siyaseta qeyûm destpê bike"

PeyamaKurd – Serokê Giştî yê CHPê Ozgur Ozel got ku normalîzekirin niha tenê hewldanên dilnizmî ye.

Ozgur Ozel derbarê rojeva dûrxistina Kurdan ji normalbûnê de jî got, "Eger asayîbûn destpê bike, divê bi devjêberdana polîtîkaya qeyûm destpê bike."

Herwiha diyar kir ku ew ê tu carî ji pêngava asayîbûnê poşman nebin û got, “Ne asayîbûnek ji bo Tirkan heye û ne jî ji bo Kurdan normalîzebûn heye. Niha, normalîzekirin tenê hewildanên me yên baş in."

Ozel anî ziman ku du endamên MHPê dixwazin normalîzebûnê xera bikin û got, “Ji ber ku me bêzar dike. Ji ber ku Tirkiye normalîzebûnê naxwaze. Yên ku bi hestên pir pak li dijî normalîzebûnê derdikevin hene. Yên ku li dij derdikevin jî hene ji ber ku ew li gorî hesabên wan nayê. Herwiha yên ku li dijî wê derdikevin jî hene da ku derewên wan dernekeve."

Ozel bal kişand ser tayînkirina qeyûman û got, "Eger normalîzebûn dest pê bike, divê bi dev ji polîtîkaya qeyûman dest pê bike" û got ku ew ê li pey Colemêrgê bin.

Ozel anî ziman ku ew ê bi Hevserokê Giştî yê HDPê yê berê Selahattîn Demîrtaş ê di Girtîgeha Edîrneyê de ye re hevdîtinê pêk bînin û got, "Ez dixwazim vê bi birêz Demîrtaş re ne bi awayekî sembolîk lê weke civîneke xebatê weke serdaneke gelekî bikêrhatî pêk bînim.