Ozgur Ozel: Armanca min ne ew e ku Ocalan û Demirtaş bidim ber hev

PeyamaKurd - Serokê Giştî yê YENÎ Partiyê Ozgur Ozel piştî gotinên xwe yên derbarê Abdullah Ocalan û Selahattîn Demîrtaş de ku rastî bertekên DEM Partiyê hatibûn, helwesta xwe zelal kir.

Ozel diyar kir ku armanca wî tu carî ew nebûye ku her du kesan bide ber hev û bal kişand ser wê yekê ku pêwîst e bala raya giştî li ser pêngavên demokratîkbûnê be, ne li ser statû û şert û mercên malê yên Ocalan.

Ozel ji T24ê re da xuyakirin ku dema rêxistineke çekdar dest ji çekan berdide ew piştgiriyê didinê, lê nîqaşên ku li ser konfor an jî cihê mayîna Ocalan tên kirin, civakê aciz dike û piştgiriya ji bo pêvajoyê kêm dike.

Ozel her wiha anî ziman ku azadkirina siyasetmedarên girtî yên mîna Selahattîn Demîrtaş û Fîgen Yuksekdag bi cîbicîkirina biryarên Dadgeha Mafên Mirovan a Ewropayê (DMME) û Dadgeha Destûra Bingehîn dê di pêvajoya demokratîkbûnê de bibe gaveke herî girîng.