Pakistan: Em ê hewldanên xwe ji bo rawestandina şer berdewam bikin

PeyamaKurd - Berdevkê Wezareta Derve ya Pakistanê, Tahir Hossein Andrabi, ji K24 re got ku di danûstandinan de pêşketinek baş çêbûye û Îran û DYA li ser gelek xalên hevpar li hev kirine, lê gelek mijar hîn jî divê bêtir werin nîqaşkirin.

Di daxuyaniyek taybet a doh de, Berdevk Andrabi diyar kir ku rayedarên Îslamabadê bi rayedarên DYA û Îranê re di têkiliyê de ne da ku şer rawestînin û rewşa Rojhilata Navîn aram bikin.

Wî destnîşan kir ku di danûstandinan de pêşketinek baş çêbûye û Îran û DYA li ser gelek xalên hevpar li hev kirine, lê gelek mijar hîn jî divê bêtir werin nîqaşkirin. Andrabi ragihand ku welatê wî hewldanên xwe ji bo mazûvaniya lûtkeyek ku tê de danûstandinên rasterast an nerasterast di navbera rayedarên Tehran û Washingtonê de pêk werin, zêde dike, lê hîn jî tu rêkeftin nehatiye kirin.

Andrabi herwiha behs kir ku, ji bilî Îslamabadê, Tirkiye, Misir û gelek welatên din di navbera rayedarên DYA û Îranê de peyaman diguherînin û tekez dikin ku bidawîanîna şer di berjewendiya her kesî de ye.