Parlamentoya Ewropayê wê konferansek taybet li ser Kurdan li dar bixe

PeyamaKurd - Îro li avahiya Parlamentoya Ewropayê li Brukselê, bi armanca xurtkirina pozîsyona Kurd û Kurdistanê di qada navneteweyî de û pêşvebirina lobiya Kurdî di navendên dîplomatîk ên cîhanî de, konferansek taybet li ser Kurdan tê lidarxistin.

Konferansa ku ji aliyê Konfederasyona Dîasporaya Kurdistanê ve tê organîzekirin, tê payîn ku bi peyama Serok Mesûd Barzanî vebe.

Tê payîn ku gelek siyasetmedarên Ewropî, kesayetên Kurd û Kurdên ku li Ewropayê dijîn beşdarî vê konferansê bibin, ku dê mijarên girîng ên têkildarî pirsa Kurd nîqaş bike.

Li gorî agahiyan, konferans wê di saet 3:00 piştî nîvro de bi dema Kurdistanê dest pê bike.

Tê payîn ku konferans gelek mijarên krîtîk, di nav de pêşketinên heyî yên li herêmê, bi taybetî li Herêma Kurdistanê û Iraqê, û rewşa Rojhilata Navîn nîqaş bike.