Pentagon: Amerîkayê hedefên Îranê yên li Sûriyeyê xist

PeyamaKurd – Artêşa Amerîkayê êrîşek li ser du navendên ku ji aliyê Pasdarên Şoreşa Îranê û komên Îran piştgiriya wan dike li rojhilatê Sûriyê weke bersivdana êrîşên li dijî hêzên Amerîkayê li Iraq û Sûriyê pêk anîn.

Di demekê de ku alozî ji ber pevçûnên di navbera Îsraîl û Hamasê de zêde dibin, hêzên Amerîkî û yên hevpeymaniyê di heftiya borî de herî kêm 19 caran rastî êrişên hêzên Îranî li Iraq û Sûriyê hatin.

Wezîrê Berevaniyê yê Amerîkayê Lloyd Austin di daxuyaniyekê de got: "Ev êrîşên teqez ên ji bo xweparastinê bersivek in ji êrîşên bi piranî neserkeftî yên komên milîs ên bi piştgirîya Îranê li dijî personelên Amerîkî li Iraq û Sûriyê ku di 17ê Cotmehê de destpê kirin."