Qesra Spî li ser Trump daxuyanî da

PeyamaKurd - Berdevka Qesra Spî Karoline Leavitt îdiayên ku dibêjin Amerîka plan kiriye ku hêzên Kurdî çekdar bike da ku serhildanek gelêrî li Îranê bide destpêkirin red kir.

Leavitt îro di civîneke çapemeniyê de ev daxuyanî da.

Leavitt piştrast kir ku Donald Trump bi gelek hevkar û hevalbendên xwe yên li Rojhilata Navîn re bi telefonê axiviye û got, "Ez dikarim bibêjim ku wî bi rêberên Kurd re jî li ser baregehên me yên leşkerî li Herêma Kurdistanê axiviye."

Leavitt raporên ku dibêjin hêzên Kurd ên li Îranê çekdar dibin red kir û got, "Raportên ku îdia dikin ku Serok planeke wisa pejirandiye bi tevahî derew in û divê wekî wisa neyên nivîsandin."

Leavitt tekez kir ku "Washington piştî ku hewlên danûstandin û dîplomatîk bi ser neketin, biryarek wêrek da ku êrîşî Îranê bike, û operasyonên leşkerî serketî bûn û armanc ew bû ku 47 sal desthilatdariya Îranê bi dawî bikin."