Rojhilata Navîn veguheriye tofaneke agirîn! Îran li dijî Amerîkayê tolhildanê dike!

PeyamaKurd - Sûpaya Pasdarên Şoreşa Îranê ragihand ku wan baregeha leşkerî ya Muwaffaq Saltî li Urdunê bi êrîşên moşekî hedef girtiye, wekî bersivek li hember êrîşên Amerîkayê yên li ser başûrê Îranê.

Daxuyaniya Sûpaya Pasdaran a Şoreşê destnîşan kir ku 21 hedefên li baregehên deryayî û hewayî yên Amerîkayê yên li herêmê wekî tolhildan hatine hedefgirtin.

Daxuyaniyê tekez kir ku piştî tolhildanên Îranê û berdewamiya êrîşên Amerîkayê, baregeha leşkerî ya Muwaffaq Saltî li Urdunê jî bi moşekên sotemeniya zexm a dûr-menzîl hatiye hedefgirtin, çar hedefên sereke, di nav de hangarên balafirên şer ên F-35 jî, hatine hilweşandin.

Daxuyaniyê zêde kir ku ger Amerîka êrîşên xwe berdewam bike, wê bersiveke girantir were dayîn.