Serokomarê Iraqê yasaya nû ya hilbijartinê pesend kir

PeyamaKurd - Serokomarê Iraqê Berhem Salih yasaya nû hilbijartinên pêşwext a Iraqê pesend kir.

Serokomariya Iraqê bi daxuyaniyeke nivîskî ragihand ku Berhem Salih yasaya nû ya hilbijartinê parlamentoyê şandibû ber destê wî pesend kiriye.

Di yasaya hilbijartinên Iraqê de di herêm û bazineyên hilbijartinan de, guhertin hatibûn kirin û ew guhertin aliyên siyasî yên Iraqê ve li parlamenê hatibûn pesendkirin.

Li gorî yasaya nû, kutleyên partiyên siyasî bi lîsteyên veşarî û eşkere beşdarî hilbijartinan bibin û endamên komîseriya hilbijartinê jî ji kesên serbixwe û dadgeran pêk tê.

Serowezîrê Iraqê Mistefa Kazimî beriya niha ragihandibû ku wê hilbijartinên pêşwext di meha Hezîrana 2021ê de werin encamdan.