Trump : Îranê daxwaza civînê kir, em sibê li Dohayê dicivin

PeyamaKurd - Serokê Dewletên Yekbûyî yên Amerîkayê (DYA) Donald Trump ragihand ku rêveberiya Îranê daxwaza hevdîtinê kiriye û ev hevdîtina krîtîk dê sibê li paytextê Qeterê, li bajarê Dohayê pêk bêt.

Ev daxuyaniya Donald Trump piştî rûdanên serbazî û aloziyên tund ên li herêma Kendavê hat, ku tê de baregehên Amerîkayê yên li Kuweyt û Behreynê ji aliyê Îranê ve hatibûn armancgirtin.

Piştî gefên tund ên Trump ên di asta "rûxandina pergalê" de, ev pêngava dîplomatîk a lezgîn a ji aliyê Tehranê ve, wekî hewldaneke ji bo kêmkirina rageşiyê û rêgirtina li şerekî berfireh tê nirxandin.