Trump û Netanyahû li ser lêdana armancên nû yên Îranê axivîn
PeyamaKurd - Serokê Amerîkayê Donald Trump roja Şemiyê bi rêya telefonê bi Serokwezîrê Îsraîlê Binyamin Netanyahu re axivî. Ev pêwendî di demeke de pêk hat ku Washington xwe ji bombebarankirinên nû yên armancên li Îranê re amade dike.
Li gorî çavkaniyên ku ji Wall Street Journalê re axivîne, axaftina her du serkirdeyan piştî civîna Trump a li Koşka Spî ya bi fermandarên leşkerî re çêbû ku di wê civînê de vebijêrkên operasyonên mezin hatibûn nirxandin.
Ev pêşketin di heman demê de beriya hilbijartinên nîvdemî yên li Amerîkayê de tê ku xelk ji ber bihabûna sotemeniyê û berdewamiya şer nerazî ye.
Li aliyê din, Rêberê Îranê Mucteba Xamineyî jî di heman rojê de bi fermandarên payebilind ên leşkerî re civîneke lezgîn li dar xist ji bo ku îhtimala êrîşên nû yên DYA û Îsraîlê binirxînin.
Trump piştre diyar kir ku hîn 1-2 armancên wan li Îranê mane ku lê bidin û yek ji wan Çiyayê Qulingê ye.
Hêjayî bibîrxistinê ye şerê ku di 28ê Sibatê de di navbera van aliyan de dest pê kiribû, bi êrîşên moşekî û dronan ên Îranê yên li ser Tel Evîv û herêmê berdewam dike.