Welatên Kendavê ji Trump daxwaza berdewamkirina Îranê kirin

PeyamaKurd - Ajansa Associated Press (AP) eşkere kir ku Erebistana Siûdî û Mîrnişînên Erebî yên Yekbûyî (Îmarat) ji Serokê Amerîkayê Donald Trump daxwaz kirine ku operasyonên leşkerî yên li dijî Îranê berdewam bikin.

Hate diyarkirin, ev welat bawer dikin ku kampanyaya bombebaranê ya Amerîka û Îsraîlê ya ku mehek e berdewam dike, hîn nekarîye şiyanên leşkerî yên Têhranê bi têra xwe lawaz bike. Berpirsên Kendavê destnîşan dikin ku rawestandina şer beriya guhertineke rasteqîn di reftara Îranê de, ne guncav e.

Li aliyê din, her çend Şahzade Mihemed bin Selman daxwaza lawazkirina zêdetir a hêza Îranê dike, lê balê dikşîne ser girîngiya çareseriyeke siyasî ya dawî.

Li aliyê din, Îranê hişyarî daye ku heger navendên wê yên enerjiyê bibin hedef, ew ê binesaziyên krîtîk ên welatên cîran wekî kargehên avê bike armanc. Lê belê tevî vê zexta siyasî, welatên Kendavê hîn biryara beşdariya rasterast di operasyonên êrîşber de nedane.