YE gavek ber bi normalîzekirina têkiliyên bi Sûriyeyê re avêt: Ceza hatin rakirin

PeyamaKurd - Yekîtiya Ewropayê di pêvajoya normalîzekirina têkiliyên bi Sûriyeyê re gaveke nû avêt û ragihand ku cezayan li ser wezîrên Karên Hundir û Parastinê yên Sûriyeyê radike. Ev biryar piştî Civîna Wezîrên Karên Derve li Brukselê hat ragihandin.

Nûnera Bilind a YEyê ya ji bo Karûbarên Derve û Siyaseta Ewlehiyê Kaja Kallas biryara bidawîkirina cezayan li ser wezîrên Karên Hundir û Parastinê yên Sûriyeyê ragihand. Kallas piştî Civîna Wezîrên Karên Derve yên YEyê li Brukselê civîneke çapemeniyê li dar xist.

Kallas bi bîr xist ku Wezîrên Karên Derve yên YEyê biryar dane ku Peymana Hevkariyê ya YE-Sûriyê bi tevahî ji nû ve bidin destpêkirin û diyar kir ku ev nîşaneyek girîng a normalîzekirina têkiliyên dualî ye.