Bang li Gergerlioglu kirin da di 10 rojan de teslîm bibe

PeyamaKurd – Meclisa Tirkiyê di dengdanê de parlementeriya Ömer Faruk Gergerlioğlu yê HDP yî xistin lê li aliyê dinê serdozgeriya  bajarê Kocaeliyê jê re teblîxatekî şand da di nav 10 rojan de teslîm bibe. Sedema xwestina teslîmbûna wî ew e ku Gergerlioğlu bi cezayê 2 sal 6 mehan hatibû cezakirin û cezayê wî ji aliyê dadgeha Bilind ya Tirkiyê Yargıtayê de hatiye tesdîqkirin.

Li gor banga serdozgeraya bajarê Kocaeliyê; eger Gergerlioğlu di nav 10 rojan de teslîm nebe, wê di xiyaba wî de girtina wî bidin. Gergerlioğlu doza daxistina parlementeriya xwe bibe Dadgeha Destûrê ya Tirkiyê.

Gergerlioğlu sibê siet di 10.00 an de dê doza xwe bibe Dadgeha Destûrê.