Diyarbekir | Bi îdiaya ku Ala Kurdistanê vekirine herî kêm 5 kes hatin desteserkirin

PeyamaKurd – Hat ragihandin bi îdiaya ku di lîstika Amedspor-Bursasporê de Ala Kurdistanê li stadyumê bilind kirine, herî kêm 5 kes hatine desteserkirin.

Li Diyarbekirê piştî lîstika Amedspor-Bursasporê ya ku şeva borî li Diyarbekirê hat lîstin, bilindkirina ala Herêma Kurdistanê bû rojev.

Hat zanîn ku Parêzgariya Diyarbekirê û Wezareta Navxwe ya Tirkiyê li ser kesên eleqedar pêvajoya hiqûqî û lêpirsîn dane destpêkirin.

Herwiha hat eşkerekirin, do êvarî li Diyarbekirê herî kêm 5 kes ji ber bilindkirina Ala Kurdistanê hatine desteserkirin û lêpirsîna kesên desteserkirî li Şaxa Rêveberiya Ewlekarî ya Diyarbekirê berdewam e.