Diyarbekir spî bû: Berfa ku dihat payîn bibare dest pê kir

PeyamaKurd – Li navenda bajarê Diyarbekirê berfa ku ev demeke dirêj dihat hêvîkirin, ji serê sibê de dest pê kir û bandora xwe nîşan da. Li nav bajêr li hin cihan bi rengê spî hat girtin, tê diyarkirin ku barîn wê dewam bike.

Barana ku bi hişyariyên Midûriyeta Herêma 15emîn a Meteorolojiyê dest pê kir, bi taybetî li navçeyên bakurê bajêr bi tundî hat hîskirin, li navenda bajêr jî barîna berfê dest pê kir. Tê texmînkirin ku qalindahiya berfê li hin deveran bigihêje 20 cm.

Meteorolojiyê ragihand ku bi taybetî li navçeyên Qulp û Licê yên Diyarbekirê li herêmê berfeke zêde tê pêşbînîkirin.

Ji mirovan hat xwestin ku li hember rewşên neyînî yên wekî qeşa, cemed û astengiyên di veguhastinê de hişyar bin. Tê pêşbînîkirin ku di rojên pêş de germahiya hewayê herî zêde 3 pile herî kêm -4 pile be.