El Muelim: Amerîka derewan dike û divê kurd hisê xwe bidin serê xwe

PeyamaKurd - Wezîrê Derve yê Sûriyê Welîd el Muelim ragihand ku Amerîka Derewan dike û divê kurd hişê xwe bidin serê xwe.

Wezîrê Derve yê Sûriyê el Muelim di civîneke rojnemevaniyê de digel hevkarê xwe yê Venezualî Jorge Arreaza da zanîn ku Amerîka derbarê vekişandina hêzên xwe de ji Sûriyê ne rastgo ye û hebûna hêzên Amerîka li Sûriye ne yasayî ye.

Muelim herweha di derbarê pirsa kurdan de jî, Muelim got, li bakurê rojhelatê Sûriyê qebîleyên ereb hene, digel hejmarek ji welatiyên Sûriyê yên kurd, ku em bi hêvî ne, ev welatî hişê xwe bidin ser xwe û ji dîrokê dersan werbigrin û tenê baweriya wan bi welatê Sûriyê bê.