Goran: Muxatabê me PDK ye, ne YNK ye

PeyamaKurd - Endamê Civata Niştimanî ya Tevgera Goran Nesredîn Mehmûd bertek da hewlên YNKê yên dijî Goranê di avakirina hikûmeta nû ya Kurdistanê de û got, "Muxatabê me PDK ye, ne YNK ye."

Nesredîn Mehmûd ji medya Kurdistanê re daxuyakirin, heger ew bibin şirîkê hikûmetê ew bi qasî kursiyên xwe beşdar dibin û xizmeta gelê Kurdistanê bikin û got, "Mafê YNKê nîne daxwaza wê yekê bike û bêje, Goran bila filan postê û wezaretê wernegire. Çimkî muxatebê me PDK ye ne YNK."

Berpirsê Goranê da zanîn ku PDK dixwaze Goran beşdarî hikûmetê bibe û heger daxwaziyên wan bên qebûlkirin jî ew dê bibin şirîkeke baş a hikûmeta Kurdistanê.