Hengaw: Li Rojhilatê Kurdistanê zêdetirî 20 kes hatin desteser kirin

PeyamaKurd – Rêxistina Mafên Mirovan Hengawê ragihand ku hêzên rejîma Îranê zêditirî 20 20 welatiyên Rojhilatê Kurdistanê li qezayên Bane û Seqizê yên parêzgeha Sine destese rkirin.

Hengawê ragihandiye ku şeva derbasbûyî hêzên ewlekariyê yên Îranê avêtine ser gundên Çoman, Kewpêç, Nimeşîr û Bicnê yên li qezaya Baneyê ve û nêzîkî 20 kes desteser kirine.

Hat diyar kirin ku 10 kesên desteserkirî ji aliyê hêzên Îranê ve rastî lêdan û tehdeyiyê hatine û bi zorê ji malên wan hatine derxistin.

Herwiha Hengawê daye zanîn ku hêzên Îranê bi otomobîlên Heyva Sor ketine nav gund û piştre avêtine ser malên gundiyan.

Çavkaniyên li qezaya Seqizê jî ragihandine ku hêzên Îranê di operseyoneke berfireh de avêtine ser çend navnîşanan û çend kes desteser kirine, lê hejmara kesên desteserkirî yên li Seqizê û nasnameya wan nehatiye zanîn.

Hat zanîn ku hejmarek ji şêniyên wan gundên li Bane û Seqizê ji tirsa desteserkirinê ji malên xwe bo cihên nediyar reviyane.

Ji aliyê berpirsên Îranê ve ti daxuyaniyek derbarê wan desteserkirinan de nehatiye dayîn.