Herêma Kurdistanê îdîayên bicihkirina balafirên bêmirov ên Ukraynayê red kir

PeyamaKurd - Wezareta Navxweyî ya Herêma Kurdistanê bi daxuyaniyeke fermî îdîayên ku dibêjin li ser xaka Herêma Kurdistanê balafirên bêmirov (dron) an jî yekîneyên leşkerî yên Ukraynayê hene bi tundî red kirin.

Wezaretê di daxuyaniya xwe de anî ziman ku ev nûçe û îdîa "bêbingeh in" û tekez kir ku politika Herêma Kurdistanê ya bêalîbûnê berdewam e.

"Zemîna Kurdistanê Ji Bo Êrişên Li Ser Welatên Din Nayê Bikaranîn"

Herêma Kurdistanê ji aloziyên herêmî û navneteweyî dûr disekine û pabendî prensîbên bêalîbûnê ye.

Hemû hewldanên ku armanc dikin axa Herêma Kurdistanê ji bo tevgerên leşkerî an jî çalakiyên dijminane yên li dijî welatekî din bê bikaranîn hatine redkirin.

Wezaretê diyar kir ku parastina ewlehî û aramiya herêmê di rêza yekem a karên wan de ye û bi ti awayî destûr nayê dayîn ku Kurdistan bê kişandin nav van şer û aloziyan.