Hewlêr | Bingehê projeyeke kanalîzasyonê ya bi 6 milyar dînarî tê avêtin

PeyamaKurd – Kevirê bingehîn yê projeya kanalîzasyona, îro bi serperiştiya Wezîrê Şaredarî û Geştûguzariyê Sasan Ewnî, ya bi bihayê 6 milyar û 192 milyon dînar hate danîn.

Li gorî Wezareta Şaredarî û Geştûguzariyê ya Hukûmeta Herêma Kurdistanê li ser hesabê xwe yê Xê ragihand, Wezîrê Şaredarî û Geştûguzariyê Sasan Ewnî got, “Xerciya projeya kanalîzasyona sindoqê ya ji kolana Kerkûkê li nêzîkî Girdereşeyê heta gundê Qetawî zêdetirî 6 milyar dînar e û dê di heyama 450 rojên da de bi serî bibe.”

Wezîrê Şaredarî û Geştûguzariyê, Sasan Ewnî di vekirina projeyê de li gel niştecihên herêmê gotûbêj kir û li pirs û daxwazên welatiyan guhdarî kir û tekezî li ser çareserkirina kêşeyan û karkirina li ser daxwazên wan kir ji bo xizmetkirina zêdetir bi niştecihên Hewlêrê.